அரிசி மோர் கூழ்

தேவையான பொருட்கள்:
அரிசி மாவு : 2 கப்

புளித்த மோர் : 1 கப்

மோர் மிளகாய் : 5

பச்சை மிளகாய் : 1

கடுகு : 1/2 தேக்கரண்டி

உளுத்தம்பருப்பு : 1 தேக்கரண்டி

பெருங்காயம் : 1 சிட்டிகை

நல்லெண்ணெய் : 1/2 குழி கரண்டி

உப்பு : தேவையான அளவு

செய்முறை:

முதலில் ஒரு பாத்திரத்தில் அரிசி மாவுடன், புளித்த மோர், தண்ணீர், உப்பு கலந்து இந்த கலவையை நன்றாக நீர்க்கக் கரைத்து வைத்துக் கொள்ளவும். ஒரு அடி கனமான பாத்திரத்தில் நல்லெண்ணெய் விட்டு, சூடானதும் கடுகு, உளுத்தம் பருப்பு, பெருங்காயம், மோர் மிளகாய், பச்சை மிளகாய் தாளித்து, இதன் மேல் கரைத்து வைத்துள்ள கரைசலை ஊற்றி, அடுப்பை இளந்தீயில் வைத்து நன்கு கிண்டிக் கொண்டே இருக்க வேண்டும். இந்த கலவை பாத்திரத்தில் ஒட்டாமல் வரும் வரை கிண்டிக் கொண்டே இருக்க வேண்டும். பொன்னிறமாக வரும் வரை , பந்து போல் வந்ததும் அடுப்பிலிருந்து இறக்கி விடவும். அரிசி மோர் கூழ் தயார்.

இந்த அரிசி மோர் கூழிற்கு, இதில் தாளித்துப் போட்டுள்ள மோர் மிளகாய், பச்சை மிளகாயயே தொட்டுக் கொள்ளலாம். இது போன்ற கூழினை கோதுமையிலும் செய்யலாம். நம் அன்றாட சமையலில் இது போன்ற நாட்டுப் புற சமையலை வாரத்திற்கு ஒரு முறையாவது செய்து உண்ணலாம். நாட்டுப் புற சமையலின் மூலம் நம் உடம்பிற்குத் தேவையான அத்தனை சத்துக்களும் ஒருசேர கிடைக்கின்றன.