என்றும் இனியவை - P.ஜெயச்சந்திரன்

தமிழ் தேசத்திலிருந்து அரிசி முதல் அஞ்சறைப் பெட்டி சாமான்கள் அனைத்தும் அண்டை மாநிலம் கேரள தேசம் செல்கிறது. அதே நேரத்தில் அங்கிருந்தும் சில நல்ல விஷயங்கள் நம்மைத் தேடி வருகின்றன. கடவுளின் தேசத்திலிருந்து நம்மிடையே கால் பதிக்க வருபவைகளில் இனிய குரலுக்குச் சொந்தக்காரர்களின் வருகை தான் அதிகம். அத்திப் பூத்தாற்போல், அப்படி வருபவர்களில் மனதை மயக்கும் குரலுக்குச் சொந்தக்காரரான திரு P.ஜெயச்சந்திரன் அவர்களும் ஒருவர். தனது பெயருக்கு ஏற்றாற்போல் சந்திரன் தேய்ந்து வளர்வது போல, இவரும் சில காலங்கள் அதிகமான பாடல்களையும், சில நேரங்களில் தமிழில் பாடுவது குறைந்தாலும், இன்று வரை தமிழ் திரைப் பாடல்கள் பாடிக் கொண்டுள்ளார் என்பது பெரிய விஷயம்.


A.R.ரஹ்மான் முதன் முதலில் மெட்டமைத்த "வெள்ளித்தேன் கிண்ணம் போல்" என்ற பாடலைப் பாடிய பெருமை கொண்டவர் திரு.ஜெயச்சந்திரன் அவர்கள். ரஹ்மானின் தந்தை R.K.சேகர் அவர்கள் 1975-ம் ஆண்டு இசையமைத்த penpada என்னும் படத்தில் மொத்தம் நான்கு பாடல்கள். அவற்றுள் மூன்று பாடல்கள் முடிந்த நிலையில், ரஹ்மான் தற்செயலாக ஒரு சிறு மெட்டமைக்க, இவர் போட்ட மெட்டு பிடித்து விடவே அதனையே அந்தப் பாடலுக்குப் பொருத்திவிட்டனர். இதுவே ரஹ்மான் அவர்கள் மெட்டமைத்து ஜெயச்சந்திரன் அவர்களால் 1975-ம் வருடம் அரங்கேறிய பாடல். ரஹ்மானுக்கு அப்பொழுது ஒன்பது வயது தானாம். இடைவேளையில் இசையில் புகுந்த இறைவன் இன்று ரஹ்மானை இசையுலகின் உச்சாணிக் கொம்பில் நிறுத்திவிட்டார்.

வெள்ளித்தேன் கிண்ணம் போல்


இவர் பாடிய பாடலைப் போல வெள்ளித் தேன் கிண்ணம் தான் இவர் பாடிய பாடல்கள் அனைத்தும். மலையாள தேசத்திலிருந்து வந்தாலும், இவர் பாடிய பாடல்களில் வார்த்தைகளை மென்று துப்பாமல், அழுத்தம் திருத்தமாக நல்ல உச்சரிப்புடன் பாடக் கூடிய பாடகர். இவர் பாடிய பாடல்களைக் கேட்கும்போது மனதில் ஒரு அமைதி நிலவும். நம் எல்லோருக்குமே பாடல் கேட்பது பிடிக்கும். அந்தப் பாடலை பகல் நேர இரைச்சல்கள் முடிந்து இரவு பத்து மணிக்கு மேல் அப்பாடா என்று தலை சாய்க்கும் நேரத்தில், ஜெயச்சந்திரன் அவர்கள் பாடிய பாடல்களைக் கேட்பது, வாழும் காலத்திலேயே சொர்க்கம் சென்று திரும்பிய அனுபவம். அவர் பாடிய தேன் முத்துக்களில் சிலவற்றை நீங்களும் கேளுங்கள்.

பூவை எடுத்து ஒரு (அம்மன் கோயில் கிழக்காலே)


தாலாட்டுதே வானம் (கடல் மீன்கள்)


கொடியிலே மல்லிகைப்பூ (கடலோரக் கவிதைகள்)


எனது விழி வழி மேலே (சொல்லத் துடிக்குது மனசு)


என் மேல் விழுந்த மழைத் துளியே (மே மாதம்)


மாஞ்சோலைக் கிளிதானோ (கிழக்கே போகும் ரயில்)


மயங்கினேன் சொல்லத் தயங்கினேன் (நானே ராஜா நானே மந்திரி)


ஒரு தெய்வம் தந்த பூவே (கன்னத்தில் முததமிட்டால்)


இன்றைக்கு என் இந்த ஆனந்தமே (வைதேகி காத்திருந்தாள்)


சித்திரச் செவ்வானம் (காற்றினிலே வரும் கீதம்)


இசைக்கவோ நம் கல்யாண ராகம் (மலர்களே மலருங்கள்)


காளிதாசன் கண்ணதாசன் (சூரக்கோட்டை சிங்கக்குட்டி)


வசந்த காலங்கள் (ரயில் பயணங்களில்)


ராசாத்தி உன்னை காணாத நெஞ்சு (வைதேகி காத்திருந்தாள்)


கடவுள் வாழும் கோயிலிலே (ஒரு தலை ராகம்)